曲蹄，也號𡅏曲蹄囝、連家船民或者福州蜑民，是生活著閩江上共福州海墘其蜀隻民系，屬蜑民其蜀種。「曲蹄」者詞是陸地懸頂其漢儂對伊各儂其蔑稱。按傳統來講，曲蹄蜀世儂臺中大部份其時間都住著船懸頂，陸地上其漢儂看𣍐起伊各儂。不過今旦，曲蹄基本已經上岸定居了。除去福州其曲蹄，蜑民敆中國別塊也有分佈，像閩南、廣東許蜀帶都有。舊底曲蹄可能固有閩越儂身體其特徵，不過現在已經共漢儂無什乇區別了。古代書裏勢將曲蹄號𡅏游艇子，者名字著《北史》共《三山志》裏勢都有出現過，是對中國東南海墘生活其蜑民統稱。唐朝共宋朝其辰候一般告伊各儂號𡅏白水郎、白水仙或者白水人，茲幾隻名字著《三山志》裏勢都有講遘。但茲字是指南方其夷人，者稱呼著隋朝其辰候開始出現，遘南宋以後乍開始普遍挈嚽來告茲蜀陣著海墘生活其儂。 (世落讀...)
- 世乇𣗬其箬箬，儂炊食其乇其時候，會掏舒底兜，包括糖餜、𥺪、菜粑、龜桃等等？
- 俤蜀種菓子（圖）五日節之後熟，有能耐做酒？
- 傳說俤蜀隻神明着福州下渡出世，有能耐庇佑娘奶囝平安？
- 傳說有蜀種做衛生使其乇，番囝神嬤會掏去騎骹膀下飛，敆日本廮蜀百年復可以變做神明。嚽是什乇？
- 英國其什乇新聞週報會分8芘版本向全球發行？
- 什乇動物外形有仂囝像綿羊，乞告囉「草泥馬」？
- 舊底福州儂有自家其手勢表示數字。蔣蔣做哩？
- 俤儂乞《罪惡王冠》、《進擊其巨人》、《KILL la KILL》、《東離劍遊紀》等等動畫做音樂？
|
 字母索引
中洲基督教堂是福州倉山區其一隻基督教教堂，起著閩江臺中其中洲島懸頂。嚽塊最早是倪柝聲祖宗其地產。1948年，福州基督教信徒罔變罔価，倪柝聲將就者厝捐乞福州教會，改成教堂。中洲基督教堂是福州教會其第二隻聚會所，面積有600m2，會中讓1000儂同時來聚會，比津門路聚會所固𡅏大。1952年，倪柝聲乞共產黨拿起來，參加聚會其信徒開始變少。者教堂著文化大革命其辰候關門，遘2002年乍重新開起來。茲張圖片是暝晡辰候其中洲基督教堂共閩江。
| 
.jpg)
